….. කදුලත් සැනසුමක්……09

09. වන කොටස.
අවුරුදු නිවාඩුව ඉවර වෙලා මං ආයෙත් ගෙදර ආවා. නිවාඩුවෙන් පස්සෙ තියෙන පලවෙනී අමතර පංති දවසේ මං පංතියට ගියේ විමූ එක්කමයී. විමුයී මායී එකම පැත්තේ ,යන්නෙ එන්නෙ එකම බස් එකේ. අපි දෙන්නත් හම්බුනේ හුග දවසකින්නේ. ක්ලාස් පටන් ගන්න වෙලා තිබුන නිසා ළමයී සේරම එකතුවෙලා ආගිය විස්තර කතා කරන්න පටන් ගත්තා. ටිකකින් ක්ලාස් පටන් ගත්තා. පාඩම කරන අතරතුර මං පොතේ අන්තිම පොටුවෙ පොඩි නෝට් එකක් ලිව්වා.
මට උවමනාව තිබුනේ පුලුවන් ඉක්මට විමූට මගෙ හිතේ තියෙන දේ කියන්න . ආපු වෙලේ ඉදන් කියන්න උත්සහ කලත් අනිත් යාලුවෝ ඉන්න නිසා බැරි වුනා. අනික විමූ මොනවගේ දෙයක් කියයිද කියලා බය හිතුනා.

විමූ මට ඔයාල කියන්න දෙයක් තියේ.
මං නෝට් එක ලියන්න ගත්තේ එහෙමයී . ක්ලාස් එකේ ළමයී හුගයි නිසා සර්ට නොපෙනෙන්න අපි දෙන්නා මාරුවෙන් මාරුවට නෝට් ලිව්වා.

මොකක්ද? ශදී

ඔයා බනීවිද දන්නෙ නෑ.

කියහංකෝ අගේ නොකර.

මගෙ හිතේ කෙනෙක් ඉන්නවා.

ඈ ඒ කවුද. ගමෙන්ද සෙට් වුනේ.

නෑ නෑ ඔයත් දන්න කෙනෙක්.

මං දන්න කෙනෙක්. කවුද බං .උබෙන් ඇහුවද?

නෑ. මගෙන් කවදාවත් අහන එකකුත් නෑ. මං කියන්නම්. දුලාන් අයියට නම් කියන්න එපා හරිද.

කියහන්කො බලන්න.

ශානූ අයියා…

මොනවා . අහුවෙයන්කෝ මට ක්ලාස් ඇරුනම.

ඇයී?

මට හැංගුවට. දඩුවම් දෙන්න.

ක්ලාස් ඇරුන ගමන් විමූ මාව අල්ල ගත්‍තා. එයාගේ මූනේ තිබුනේ ලස්සන හිනාවක්. මට හොදටෝම විහිලූ කලා. දුලාන් අයියට කියනවා කියලා මාව හොදටම බය ගැන්නුවා. එදයි පස්සෙ ඇරඹුනේ හරිම සුන්දර කාලයක්. විමූ ඉස්කෝලෙදී ශානූ අයියා පෙන්න පෙන්න විහිලූ කලා. විමූ නිතරම මට ශානු අයියා එක්ක කතා කරන්න වෙලාව හදලා දුන්නා. ඒත් ඉතිං විශේෂයක් නෑ. ශානූ අයියා මාව ආශ්‍රය කලේ හොද යාලුවෙක් වගේ. හිටි ගමන් බලනවා හිටි ගමන් අදුරන්නෙ නෑ වගේ යනවා.
මගෙ හිතේ බලාපොරොත්ත්වත් එන්න එන්නම අඩු වුනා. අන්තිමට මං හිත හදා ගත්තා ශානූ මට ආදරේ කරන්නෙ නෑ කියලා. ඒත් යටි හිත මටත් හොරෙන් එයා ගැන හොයලා බැලුවා.
ගෙදර තත්වය නම් කලින් වගේම තමයී. මං නැන්දලාගෙ ගෙදර යන නිසා වැඩි කරදරයක් තිබුනේ නෑ. දවසක් හවස මං නැන්දලාගෙ ගෙදර ගියා. මං ගෙට යද්දිම චූටී බාප්පා මට කතා කලා.

ශදී දුව මෙහෙ එන්න.

ඇයි චූටී බාප්පේ..
මටම පුදුමයී චූටී බාප්පා වෙනදට මාත් එක්ක කතා කරන්නෙ නැහැ.

අපේ කෙල්ලගෙ පලහිලව්වට උදව් කරනවා නේද?
මං එක පාරටම ගල් ගැහුනා. සිතාරා අක්කගෙ ආදර සම්බන්දේ හැමෝම දැනන් හිටියා. ඒත් ගෙදරින් කැමති නෑ. සිතාරා අක්කට උදව් කලේ මං තමා. ඒත් කොහොමද ආරංචි වුනේ.

අනේ නෑ චූටී බාප්පේ.

බොරු කියන්න එපා. මං සේරම දන්නවා.

චූටී බාප්පා මගෙ ඇගට කඩා පැන්නා. සේරමලා වට වෙලා මං බයටම අඩනවා. චූටී බාප්පා මට හුගක් බැන්නා. සිතාරා අක්කටත් කරන්න දෙයක් නෑ . එයත් කාමරයට වෙලා අඩනවා. නැන්දත් මාත් එක්ක කේන්තියෙන් .අන්තිමේදී චූටී බාප්පා මට එහෙ පස් පාගන්න එපා කිව්වා..
මේකත් සේනේ බාප්පගේ වැඩක් , එයාට ඕනී මං නැන්දලාගේ ගෙදර යන එක නවත්වන්න. චූටී බාප්පට මං නොකරපු වැරදිත් කියලා තිබුනා. චූටී බාප්පා දන්නෙ නෑනේ සේන බාප්පගෙ හැටි.
මං අඩ අඩ එවෙලෙම ගෙදර ආවා. සේනේ බාප්පා දන්නවනේ අද මෙහෙම වෙන බව ඉස්සරහට වෙලා හිනා වෙවී බලන් හිටියා.

මොකද අද ගෙදර මතක් වෙලා. ඇයි කෝ මහ ලොකු නැන්දලා.

දැං ..හුගක් …සතුටු… ඇතිනේ..
මං අඩ අඩාම කිව්වේ කේන්තිය උහුල ගන්න බැරි නිසා.

මං මක් කරාටද?

චූටී බාප්පට කේලං කියලා. මට එහෙ ඉන්නත් නැති කරා. බල්ලා . කතා කරන්න එපා මාත් එක්ක. දැං සැනසිල්ලෙ නින්ද යයිනේ..

මොකද ළමයො කෑ ගහන්නෙ.. මොකද අඩන්නෙ.
අම්මත් මාත් එක්ක කේන්තියෙන් කෑගහන් එළියට ආවා.

ඔය ඉන්නේ අහන්න අම්මේ. චූටී බාප්පට මොනාද කිව්වේ කියලා.

මොනවද කිව්වේ සේන.
සේන බාප්පා සද්ද නෑ.

ඇයී සද්ද නැත්තේ. කියනවා. මං එහෙ සැනසිල්ලෙ ඉන්නවට අංචියක් ඇද්දා. දැං හරී ශෝක් මට හිල් අස්සෙන් ලෑලී අස්සෙන් බල බල ඉන්න පුලුවං කියලා කියනවා.
මං කේන්තියට බැනගෙන බැනගෙන ගියා. සේන බාප්පත් බැන්නා. දෙන්නා තරගෙට තරගෙට කෑගහ ගන්නවා. අම්මා මට කට වහන්න කියලා කීපසැරයක්ම කිව්වා. මං නැවැත්තුවෙ නෑ. අම්මා උයන ගමන් හිටියේ හැන්දත් අතේ තියන් හිටියේ. බැරිම තැන අම්මා හැන්දෙන් මට ගහගෙන ගහගෙන ගියා .එයාගෙ කේන්තිය නිවෙන කන්. අන්තිමට අම්මා බිම ඉදගෙන දුක කියන්නයී, අඩන්න පටන් ගත්තා.
මාත් අම්මා ළග ඉදගෙන ඇති වෙනකන් ඇඩුවා.

**************************************
මට ආයෙත් ගෙදර ඉන්න සිද්ද වුනා. මං නැන්දලාගේ ගෙදර ගියෙම නෑ නැන්දට මූන දෙන්න බැරී නිසා . පරන පුරුදු විදිහම තමයී ගෙදර තත්වය නම් .අරහෙන් මෙහෙන් බලනවා. මං ඒවා දැක්කම කෑ ගහනවා. හැමදාම රන්ඩු . “ගොනා පස්සෙ එන කරත්ත රෝදේ වගේ “කරදරත් මගෙ පස්සෙන්ම ආවා.

ඊ ළග කොටසින් හමුවෙමූ.