නිහඬ කටකාර ආදරේ … 04

04 කොටස

දින කීපයකට පසු ,
” සුරාංගනී සුරාංගනී සුරංගනීට මාලු ගෙනාවා  … ” කට ඇරලා කියපල්ලකෝ බං සිංදුවක් . මේක මළ ගේ වගේනේ බං  .
කොල්ලෝ ටික මේ පාර නම් කටින් නැතුව van එකක් අරන් මේ trip එක යන ගමන් .
” ඒහ් චතුර මගේ bag එක අරන් දීපන් පොඩ්ඩකට ” කැලුම් කිව්වා .
” අඩෝ අපි කන්නද යන්නේ  ” කන බනේමයි ඉතින් .
” පිස්සුද බං , පිටත් වෙලා තාම පැයක්වත් ගියේ නෑ  ” දසුන් කිව්වා .
” අහ් , ගමනක් පිටත් වෙලා පැය කීයකට පස්සෙද බං එහෙනම් කන්නේ  “
මේකාව එක්කන් ආවට වඩා හොදයි ගෙදර තියලා ආවා නම් කියලා හිතෙන්නේ ඔය වෙලාවට තමා  .
මෙයාලා මෙහෙම යන අතරේ තව කට්ටියක් trip එකක් යනවා. හ්ම් , ඔව් ඔව් අපේ කෙල්ලෝ set එක තමා . කෙල්ලෝ විතරක්ම නෙවෙයි , නෙහාරලාගේ scl එකේ කොල්ලොත් ඉන්නවා  .
Scl එකේ පරණ යාලුවෝ ගොඩක් කාලෙකින් meet වුන නිසා කට්ටියටම මාර happy ඉතින් . පරණ කෑලි බෑලි එහෙමත් set වෙලාලු ඉතින් මේ වෙලාවේ  .
” බලපන්කෝ බං ඉස්සර අපේ පන්ති වල හිටපු කෙල්ලෝ දැන් ඉන්න විදිහ . ඉස්සර හොටු පෙරාගෙන හිටපු උන් දැන් නිකන් හින්දි නිලියෝ වගේනේ  ” දේවින්ද බස් එකේ ඉන්න කෙල්ලෝ දිහා බලාගෙන කිව්වා .
” හරි හරි අපි දන්නවා ඉතින් උබ ඔය කාගේ දිහා බලාගෙනද හූල්ලන්නේ කියලා  ” චාමර එහෙම කිව්වම ඔක්කොම හිනා වුනා පරණ දේවල් මතක් වෙලා  .
” මතක ද බං මූ ශෙහාරාට කියලා නෙහාරාට lv letter එකක් දීලා හොදට අහගත්තා  , අම්මෝ ඒකිගේ කට. පස්සේ තමා දන්නේ දෙන්නා මාරු වෙලා කියලා ” කවීශ කිව්වා .
විනෝදෙන් කාලය ගෙවී ගෙන යද්දි කඳු පල්ලම් අතරින් ගිය ඒ ගමන කොල්ලෝ කෙල්ලෝ ටිකට අමුතුම අත්දැකීමක් වුනා  .
” ඒහ් අන්න අතන දිය ඇල්ලක් . උදේට කන්න අපි එතන නතර කරමුකෝ ” කෙල්ලෝ ටික කෑගැහුවා .
Trip ආපු ගොඩක් වාහන එතන නවත්තලා හිතේ හැටියට විනෝද වෙනවා. බස් එක නවත්තපු ගමන් කට්ටියම බැහැලා ගියා.
” ඒහ් රිශී , එන්න අපි selfi යක් ගමු  ” නෙහාරා කෑගහලා යාලුවෝ set එකට කිව්වා .
හැමෝම එක එක ලෝක වල . සමහරු selfi ගන්නවා ඉවරයක් නැතුව . තවත් අය ඕපාදූප කියවනවා ගොඩක් කාලෙකින් meet වුන නිසා . සමහර අය නම් බැහැපු ගමන් කෑම සඳහා සූදානම්  . කොහේ ගියත් වෙලාවට කන්න එපැයි ඉතින් නේද ?
කට්ටියම කෑම කාලා ටිකක් වාඩි වෙලා හිටියා.
” නෙහාරා , අතන දිය ඇල්ල ළගින් පහලට බහින්න පඩි පෙලක් තියනවා . කොල්ලෝ නම් ගියා , අපිත් යමුකෝ  ” නෙතූ කිව්වා .
ඕන දඟ වැඩක් , චණ්ඩි වැඩක් නම් ඉතින් නෙහාරාව තමා හවුල් කරගන්නේ  , මේකිත් ඉතින් පැනගෙන යනවනේ ඕවට .
” අප්පා , එහෙමද යමු යමු එහෙනම් . කොල්ලොන්ට පුලුවන් නම් අපිට බැරි මොකද ” කියපු ගමන් කෙල්ල ඉස්සර වුනා .
කෙල්ලෝ ටික යනකොටත් කොල්ලෝ ටිකක් පහල ඉන්නවා කට්ටිය දැක්කා . පණ්ඩිතකමට ආවට පහල්ට යන එක එච්චර ලේසි නෑ කියලා කෙල්ලෝ ටිකට තේරුනේ ටිකක් දුර යද්දි .
” ආහ් , අයියෝ … ” එක පාරම ඇහුන සද්දෙට කට්ටියම බැලුවා මොකද වුනේ කියලා  .
අපොයි ! ශෙහාරාගේ කකුල ලිස්සලා අන්න පහලට වැටෙනවා  .
” අක්කී !!! ” නෙහාරා හොදටම බය වුනා . මොනා වුනත් ඉතින් එකම සහෝදරීනේ  .
පහල හිටපු කොල්ලෝ ටිකත් බැලුවා කවුද කෑගහන්නේ කියලා . හැබැයි ඒ වෙද්දිත් ශෙහාරා පාමුලටම ඇවිත් , කෙල්ල හොදටම බය වෙලා  .
ඊලඟ තත්පරේ මොකද වුනේ කියලා කට්ටිය හිතන්නත් කලින් ශෙහාරාව වතුරට වැටුනා  .
” අනේ එයාව බේරගන්න ” නෙහාරා කෑගහගෙන ඉක්මන්ට පහලට බැස්සා. තිබ්බ බයටයි කලබලේටයි කොහොම පහලට බැස්සද දන්නේ නෑ එච්චර වේගෙන්  .
ශෙහාරා ගිලෙන්නේ නැතුව ඉන්න කොච්චර try කරත් වතුර ගලාගෙන යන සැරට එහෙම ඉන්න බෑ .
කෙල්ලව වතුරට වැටෙනවා දැකපු ගමන් එතන හිටපු කොල්ලෙක් වතුරට පැන්නා කෙල්ලව බේරගන්න හිතාගෙන  .
වතුර පෙවිලා හිටපු කෙල්ලගේ ඇස් පියවෙනවත් එක්කම කවුදෝ අතින් අල්ලගත්තා වගේ ශෙහාරාට දැනුනා.
සීතලෙන් මුළු ඇඟම වෙවුලලා යද්දි කෙල්ල හෙමින් ඇස් ඇරියා.
” ම්ම්ම්ම් … මෙයා කොහොමද මෙතන ? මොකද වුනේ මට ?  ” ශෙහාරා ඒ ඇස් දිහා බලාගෙන නැගිට්ටා .
” අම්මෝ ඇති යන්තන් අක්කි , ඔයා හොදින් නේද ?  අපි හොදටම බය වුනා ” නෙහාරාගේ සද්දෙට ශෙහාරා හැරිලා බැලුවා .
ශෙහාරා වතුරට වැටෙනකොට එයාව බේරගන්න වතුරට පැන්නේ වෙන කවුරුත් නෙවෙයි , ධනුශ් !!!
නෙහාරාගේ සද්දෙට ධනුශ් හැරිලා බැලුවේ මොකද වුනේ කියලා . පඩිපෙළ පහලට වැටෙන ශෙහාරාව දැක්කම කොල්ලට ඔක්කොම අමතක වුනා  .
” ම්ම්ම් … නැගිටින්න , අපි උඩට යමු ” නෙහාරා ගෙනත් දුන්න ටවල් එක කෙල්ලට පෙරවලා ධනුශ් අත දික් කරා ශෙහාරාට නැගිටින්න  .
ශෙහාරා ධනුශ්ගේ අත අල්ලගෙන නැගිට්ටා . ඒත් පඩිපෙළ නගින්න තරම් ශක්තියක් නම් කෙල්ලට තිබ්බේ නෑ ඒ වෙද්දි .
ධනුශ්ට තේරුනා ශෙහාරාට යන්න අමාරුයි කියලා . කොල්ලා දෙපාරක් හිතුවේ නෑ , හැමෝම බලාගෙන ඉද්දි ධනුශ් කෙල්ලව හරහට වඩාගත්තා  .
” දැන් යමු  ” එහෙම කියලා කොල්ලා ඉස්සර වුනා.
” මචං , මාත් වතුරට පනින්නද  ” චතුර දිලුම්ගෙන් ඇහුවා .
” ඒහ් මොන මගුලකටද  ? ” දිලුම් පුදුම වෙලා චතුර දිහා බැලුවා .
” එතකොට මාවත් අතන ඉන්න ලස්සන කෙල්ලෙක් ඇවිත් බේරගෙන වඩාගෙන යයි නේද බං  ” චතුර එහෙම කියලා නෙහාරලාගේ යාලුවෝ ටික පෙන්නුවා . පව් ඉතින් පොඩි එකාගේ ආසවනේ  .
” ඔව් ඔව් උස්සන් යන්න තිබ්බා උබ ගල් රෝල වගේ හිටියේ නැත්නම්  , මෙන්න මෙහේ වරෙන් යන්න  ” දිලුම් , චතුරවත් ඇදගෙන ගියා.
” ආහ් නංගී , ඇයි ඔයාලවත් වඩාගෙන යයි කියලද බලාගෙන ඉන්නේ මෙතන  ” චතුර නෙහාරාටයි එයාගේ යාලුවන්ටයි කිව්වා .
” නෑ , ඊලඟට කාවද වතුරට දාන්නේ කියලා බැලුවේ  . අයියව දාන්නද ? හැබැයි බේරගන්න නම් කවුරුත් නෑ මෙතන ” රිශිනි එහෙම කිව්වම කට්ටියම හිනා වුනා .
නෙහාරාට නම් දැන් ලැජ්ජාවේ බෑ . කලින් තිබ්බ කට දැන් කොහේ ගිහින්ද දන්නේ නෑ කොල්ලෝ ටික දැක්කම  .
ඒ අතරේ කැලුම් ආවා නෙහාරා ළගට . කොල්ලා ළගට එනකන්වත් කෙල්ල දැක්කේ නෑ  .
” ආහ් , රෙහානා කොහොමද ඉතින්  ? ” කැලුම් නෝන්ඩියට වගේ ඇහුවා . දැන් ඉතින් ඔක්කොම අහු වුනානේ twins ලා දෙන්නෙක් මේ ඉන්නේ කියලා .
” රෙහානා ?? රෙහානා නෙවෙයි අයියා , මෙයා නෙහාරා ” අපෝ ! කෑවනේ ඉතින් ඉතුරු ටිකත්  . නෙහාරාගේ යාලුවෙක් වුන සිතුමි එහෙම කිව්වම නෙහාරාට පොළොව පලාගෙන යන්න හිතුනා . මුන්ටත් කට තියාගෙන ඉන්න බෑනේ ඉතින්  .
” ඕහ් එහෙමද , එතකොට අර වතුරට වැටුන නංගි කවුද ? ” කැලුම් සිතුමිගෙන්ම ඇහුවා .
” ආහ් , එයා ශෙහාරා  “
ඒ පාර නම් නෙහාරා ඔරවලා බැලුවා සිතුමි දිහා  . පව් කෙල්ල , එයා බලනවා මේ මොකද කියලා  .
” මුන්ටත් ඉතින් කොල්ලෙක් මොකක් හරි ඇහුවම ඊට වඩා දෙයක් නෑ  ” නෙහාරා එහෙම හිත හිතා , ” සිතුමි ඔයාලා යන්න දැන් , අපි එන්නම් ” කියලා කට්ටියව shep එකේ යැව්වා . නැත්නම් තව මොනා කියයිද දන්නේ නෑ මුන්  .
නෙහාරා , කැලුම් දිහාට හැරෙනකොට කොල්ලා ඉන්නවා අත් දෙකත් බැදගෙන දරුණු විදිහට  .
අම්මෝ ! බයේ බෑ දැන් නම්  .
” මොනාහරි කියන්න තියනවද මැඩම්  ? ” කැලුම් ඇහුවා .
” ආය මොනා කියන්නද ඉතින් , වැඩේ කාලා ඉවරයිනේ ඉතින් දැන් . අපෝ ! ලැජ්ජාවේ බෑ  ” නෙහාරා කල්පනා කරනවා .
” ආහ් , මුකුත් නෑ  . ම්ම්ම් …. S O R R Y … ” අමුතු action ටිකක් දාලා එහෙම කියලා කෙල්ල දුවගෙන ගියා  .
” පිස්සි  ” කැලුම්ටත් හිනා .
හැමදේම මෙහෙම වෙද්දී තව එක්කෙනෙක්ට නම් පොඩ්ඩක් අවුල් මේ වෙන දේවල් දැකලා  .
” ඒහ් මචං , අර බලපන් ” ශෙහාරාව වඩාගෙන පඩිපෙළෙන් උඩට ආපු ධනුශ් දිහා බලලා චාමර , දේවින්දට කිව්වා .
” මොකක්ද බං මේ වෙන්නේ  ” නෙහාරාගේ scl එකේ කොල්ලෝ ටික බලාගෙන ඉන්නවා මොකක්ද මේ අලුත් film එක කියලා  .
ධනුශ් , ශෙහාරාව බස් එක ඇතුලටමඑක්කන් ගිහින් ශීට් එකෙන් වාඩි කරවලා බැහැලා ආවා කෙල්ලෝ ටික ළග ඉන්න නිසා.
” කවුද බං ඒ රෝමියෝ  ? “
” වතුරට වැටුනට පාඩුවක් වුනේ නෑ නේද බං  “
” ඒහ් මටත් හොයලා දීපන්කෝ ඒ වගේ කොල්ලෙක්  “
ඔන්න කට්ටිය පටන් ගත්තා එයාලගේ අදහස් ප්රකාශ කරන්න  .
” අපෝ , වහගනිල්ලකෝ ඔය හැකර කටවල් ටික  ” නෙහාරා කෑගැහුවා .
” ආහ් , හරි හරි උබටත් හම්බවුණානේ හැරී කුමාරයාව  . මේ කවුද බං ඌ ? මාර handsome  “
” මන් දැක්කා අන්න ශෙහාරාගේ පරණ lv එක මූණ එල්ලගෙන ඉන්නවා ” රිශිනි කිව්වා .
” කවුද ???  ” නෙහාරායි ශෙහාරායි දෙන්නම එක පාර ඇහුවා .
” ඇයි බං දේවින්ද , ඌ තාම උබ ගැන හිතනවා ශෙහාරා  ” නෙතූ එහෙම කිව්වම ශෙහාරා ජනේලෙන් දේවින්ද දිහා බැලුවා , ඊලඟට ධනුශ් දිහා  .

මතු සම්බන්ධයි .