නිහඬ කටකාර ආදරේ …. 02

02 කොටස

ධනුශ් කියපු කතාවට චතුරත් හොල්මන් වුනා.
” අඩෝ , පොඩ්ඩක් ඉදපන් . උබ එදා මට පෙන්නපු එකීමද මේ  ” චතුරත් කෙල්ල දිහා බලාගෙන කල්පනා කරා .
” ඔව් බං , ඒකි තමා . මට කවදාවත් අමතක වෙන්නේ නෑ ඒ ඇස්  ” ධනුශ්ට මාර අවුල් , කවුද හිතුවේ මෙහෙම දෙයක් වෙයි කියලා ඉතින්  .
ඒ අතරේ ශෙහාරා ගිහින් කැලුම්ට ඉස්සරහින් වාඩි වුනා . චණ්ඩියා වගේ ආවට දැන් නම් පොඩ්ඩක් ගැහෙනවා වගේ  . නෙහාරා වගේ ඉන්න නම් ශෙහාරාට කොහොමත් බෑ . මොකද නෙහාරා කියන්නේ දඟ , කටකාර කෙල්ලෙක් . ශෙහාරා ටිකක් නිහඬ චරිතයක්  .
” Hi , කොහොමද ඉතින් ? ” කැලුම් කතාවට බැස්සා.
ශෙහාරා වාඩි වෙලා ඉන්න තැනට ධනුශ්ව හොදට පේනවා .
” ආහ් , හොදයි . වරදක් නෑ ” කෙල්ල shep එකේ වචන ටිකක් අහුලලා ගත්තා . නැත්නම් ඉවරයිනේ ඉතින්  .
කැලුම්ට නම් දැන් ටිකක් අවුල් වගේ  . ” යකෝ එදා නම් මේකිගේ කටට break තිබ්බේ නෑ . අද බලහන්කෝ ඉන්න හැටි . මොකාආආආආක් හරි අවුලක් තියනවා මෙතන  ” කොල්ලා හිතුවා .
ශෙහාරා නිකමට වගේ ඉස්සරහ බැලුවේ කැලුම් දිහා කෙලින් බලන්න බැරි නිසා . කොහොමත් කෙල්ලට නෙහාරා වගේ ඉන්න බෑනේ  .
කෙල්ල ඊලඟට දැක්කේ ධනුශ්ව . ශෙහාරා දිහා බලාගෙන ඉන්නවා . කෙල්ලට මතක් වුනා එදා library යද්දී එයා දිහා බලාගෙන හිටපු ඒ ඇස්  .
” ඔව් , මේ එයාම තමා . එයා හිතයිද දන්නේ නෑ මේ මගේ boy friend කියලා . නංගි නම් මොනා කරනවද මන්දා  .ඉක්මන්ට මෙතනින් පැනගන්න ඕනේ  . ” ශෙහාරාගේ හිත කැමති වුනේ නෑ ධනුශ් හිතනවට කැලුම් එයාගේ කොල්ලා කියලා . මොකද දැනටමත් කෙල්ල ඒ ඇස් වල තියන ආදරේට ආදරෙයි  .
කැලුම් නම් nonstop කතාව. මොනා කියෙව්වද දන්නේ නෑ , කෙල්ල අහගෙන හිටියෙත් නෑනේ මුකුත්  .
” මේකාව නම් හරියන්නේ නෙහාරාටම තමා  , දෙන්නම එකයි ” ශෙහාරා හිතුවා .
කොහොම කොහොමහරි ශෙහාරා කැලුම් එක්ක පොඩ්ඩක් කතා කරලා ගෙදර ගියා . කැලුම්ට නම් දැන් සැකයි වගේ මේ ගැන  .
” ඒහ් මචං , මෙතන මොකක් හරි පොඩි අවුලක් තියනවා බං ” ශෙහාරා ගියාට පස්සේ කැලුම් එහෙම කියාගෙන යාලුවො ළගට ආවා.
” පොඩි ! පොඩි නෙවෙයි බොල , ලොකු අවුලක් තියනවා . ඉස්සෙල්ලා කාලා ඉදපන්කෝ  , මන් පස්සේ පැහැදිලි කරන්නම් ” චතුර කිව්වා .
මූට ඉතින් මොකටත් කලින් කෑම තමා  .
” එක්කෝ උබලා දෙන්නා හොද ලනුවක් කාලා ඉන්න එකේ ආය අමුතුවෙන් කන්න ඕනේ නෑ බං  , දීපන් එපා නම් මන් කන්නම් ” අපෝ මූ වගේ එකෙක් නම්  .
” ඊට වඩා නරකද උබ අපිව කෑවා නම්  , මචං කැලුම් ඒ හිටියේ මන් එදා කියපු කෙල්ල බං  ” ධනුශ් කෙලින්ම කිව්වා .
” නෑ !! සිරාවටමද බං  , මටත් පොඩි අමුත්තක් දැනුනා . මොකද බං එදා මේකිට nonstop කියවන කටක් තිබ්බේ  , ඒත් අද ම්හ්, no කතා . එතකොට මේ උබ කියන එකී නම් මන් කියපු පිස්සු හෝන්තුව කෝ බං  ” දැවෙන ප්රශ්න ඉතින් දැන් කොල්ලො ටිකට  .
” ඒක නම් මන් දන්නේ නෑ බං , හැබැයි මේ ආවේ නම් මන් කියපු කෙල්ලම තමා ” ධනුශ් කිව්වා .
” මචං , ඔය සෝස් බෝතලේ දීපන් මෙහාට  “
මෙච්චර දැවෙන ප්රශ්නයක් තියද්දි මූ තව සෝස් ඉල්ලනවා  .
” කොහොමත් බං මේ ලෝකේ එක වගේ දෙන්නෙක් තුන්දෙනෙක් ඉන්න බැරිකමක් නෑනේ බං ” පිඟානට සෝස් තලියක් හලා ගන්න ගමන් චතුර කිව්වා . මොලේ ඇති කතාවක් කිව්වමද කොහෙද  .
කැලුමුයි ධනුශුයි මූණෙන් මූණ බලාගෙන ඊලඟට චතුර දිහා බැලුවා  .
” ඇයි බං ඔහොම බලන්නේ  , සෝස් බෝතලේ ඉල්ලුවා නම් දෙනවනේ ඉතින් . කන්න වගේ මගේ දිහා බලන්නේ  ” 
*****************************************

” මේ මට නම් බෑ ආය මේ ගොන් වැඩ කරන්න . තමුසේ ඕන මගුලක් කරගන්නවා තනියම  ” ශෙහාරා bag එකත් ඇඳට විසි කරලා දාලා ,ආපු ගමන් නංගිව අනුභව කිරීමට සූදානම් වුනා  .
” ආහ් , වැඩේ කාලා ආවද ? මට හිතුනා . මේ ගොන් ගහ කොහෙද ඉතින් මන් වගේ ඉන්නේ එතන ගිහින්  ” නෙහාරා දන්නවා ඉතින් අක්කිට ඒ වගේ නටන්න බෑ කියලා . එසේ මෙසේ දැඟලිල්ලක් ඇයි මේකිට තියන්නේ  .
” මොකද දෙන්නා මේ බෙරිහන් දෙන්නේ අහ් , වටපිටාවේ මිනිස්සු නෑ කියලා හිතුවද  “
අපොයි !!! හදිසි ප්රහාරක අංශේ දොර ළගටම ඇවිත්  . එනකන්ම දන්නෙත් නෑ  .
අම්මගේ සද්දෙට දෙන්නම කටවල් වහගත්තා  . අක්කගෙයි නංගිගෙයි වැඩ දන්නවා නම් දරුකමෙනුත් අයින් කරයි  .
” නෑ අම්මේ , අපි මේ පොඩි drama එකක් පුරුදු වෙනවා  ” නෙහාරා පැනපු ගමන් කිව්වා . කොහෙන් කටට එනවද දන්නේ නෑ මේ බේගල්  .
” ඔව් ඔව් මට පේනවා drama කෙසේ වෙතත් දෙන්නත් එක්ක හොද නැටුමක් නටන්න යනවා කියලා  ” අම්මා එහෙම කියාගෙන යන්න ගියා.
” නැටුවා කියලා ඉතින් අම්මට බෑණලා දෙන්නෙක් හොයලා දෙන්නේ කොහොමද  , මට ඉතින් තාලෙට අඩියක්වත් තියාගන්න බෑනේ කොහොමත්  ” නෙහාරා අම්මා ගියාට පස්සේ කිව්වා .
” ඒක බැරි වුනාට ඊට වඩා වැඩ කරන්න නම් පුලුවන්නේ ඉතින්  , මන් නම් නෑ ඕවට . අරයා මොනා හිතුවද දන්නේ නෑ  “
ශෙහාරා කියාගෙන කියාගෙන ගිහින් අන්තිමට අර අරයා ගැනත් කියවෙලා තමා නැවතුනේ .
” මොකාද බොලේ අරයා ?  . සුදු අක්කී , කන පලාගන්නේ නැතුව මේ නංගිට කියනවා කොරයා ගැනද ඒ කිව්වේ කියලා  ” නෙහාරා මරණ තරජන එල්ල කරා  .
” දැන් ඉතින් ඉවරයි . මගේ කටටත් break නෑ වෙලාවකට මේකිත් එක්ක ඉදලා  ” ශෙහාරා හිතුවා .
” ඒයි මොනාද කල්පනා කරන්නේ , කියනවා ඉක්මන්ට ” නෙහාරා පලමු කොට්ට ප්රහාරය ශෙහාරාට එල්ල කරා  .
” හරි හරි කියන්නම්  ” ඊලඟට මේකි මොකෙන් දමලා ගහයිද දන්නේ නෑනේ ඉතින් . ඒ තරම් සහෝදර ප්රේමය දෝරේ ගලනවා වෙලාවකට  .
ඒ නිසා ශෙහාරා අර අරයා ගැන කියන්න පටන් ගත්තා ඉතින්  “
****************************************

” මොනාද බං මේ ජීවිත , බලපන් මෙලෝ වැඩක් නෑනේ  , මහ ලොකුවට උබලගේ කතාව නම් කසාද බඳින්න  ” චතුර දේශනාව පටන් ගත්තා.
කට්ටිය එකතු වෙලා ඕපාදූප කියවනවා . වෙන වැඩකුත් නෑනේ ඉතින් ගෙවල් වල  .
” අපි එහෙම හරි හිතනවා  . උබ මොකද කරන්නේ , තියන තියන එක කකා ඉන්නවනේ  , කෙල්ලෙක්වත් බලයිද ඉතින්  ” කැලුම් එහෙම කිව්වා.
” ඒ වුනාට fb එකේ නම් තිබ්බේ කෙල්ලෝ කැමති චුට්ටක් බඩ තියන කොල්ලන්ට කියලා  , කෝ උබලට තියනවද ? නෑනේ නෑනේ  “
මූ කියන කතාව බලන්නකෝ  . ඒක ඇත්තද කෙල්ලනේ ? ( නෑ නේද  )
” අපි ඔහේ කාලේ කන එකේ trip එකක්වත් යමුකෝ බං . සසර කලකිරෙනවා බං මෙහෙම ඉද්දි  ” දසුන් අලුත් idea එකක් දුන්නා.
” ඇයි බං අපි ගිය මාසෙත් trip එකක් ගියේ . උබට මතක නැද්ද  ? ” චතුර ඇහුවා .
” ගිය මාසේ ? කවද්ද ? මට මතක නෑනේ  ” දසුන් කල්පනා කරා ඌව දාලා මුන් ටික හොරෙන් ගිහින්වත්ද කියලා .
” උබට අමතක වෙනඑක සාදාරණයි බං  . හැමෝම බස් , වෑන් වල trip යද්දි අපි ගියේ මොකේද දන්නවද , උබට හිතාගන්නවත් බෑනේ  ? “
” අහ් , මොකේද උබලා ගියේ  ? ” කොල්ලව දාලා කට්ටිය ගිහින් වගේ හොරෙන්ම . පවු ඉතින් කොල්ලා  .
” කටින් යකෝ කටින්  , අපි trip ගියේ කටින් ” අනේ ඇත්තට මේ වගේ එකෙක් නම්  .
” හරි හරි බං . මේ අපි සිරාවටම යමු මේ පාර . ගිහින් ඇවිත් අපිට වැඩක් තියනවා ධනුශ්  ” කැලුම් සීරියස් පිට කිව්වා .
” ඒ මොකක්ද ?  ” ධනුශ් ඇහුවා .
” අර අපි ගොන්නු කියලා හිතාගෙන ඉන්න පිස්සු හෝන්තු දෙකට පාඩමක් උගන්නමු ” මේ පාර නම් නෙහාරාටයි ශෙහාරාටයි වැඩ වරදි වගේ  .
” අනේ පලයං බං යන්න . මන් කිව්වේ නැත්නම් උබලා දෙන්නා කොහොමත් ගොන්නු දෙන්නා වගේ තමා වැඩ කරන්නේ  , මල් තියලා වැදපන් මට  ” චතුර දැන් වීරයා වෙලා  .
” එච්චරයි අඩු දැන්  . මෙන්න මෙහේ වරෙල්ලා යන්න . අනිත් උන් ටිකත් set කරගෙන මේ පාරවත් trip එකක් යමු  “
**************************************

” හෙලෝ , අක්කේ මන් වසන්ති “
නෙහාරාගේ අම්මා 4n එක answr කරලා කවුද කියලා බැලුවා . ” ආහ් , කියන්න නංගි . මුකුත් හදිස්සියක්ද ? “
” අනේ නෑ අක්කේ . පොඩි උදව්වක් ඕනේ  . අපි ටික දවසකට ගමනක් යනවා සතියකට වගේ . එතකන් අපේ පොඩි පුතාව නවත්තගන්න පුලුවන් ද ? “
අපොයි !! හොද පොඩි එකා  . ගිය පාරකුත් ඇවිත් ජනෙල් වීදුරු දෙකක් බිඳලා ගිය හැටි අම්මට මතක් වුනා  . බෑ කියන්නත් බෑනේ ඒ වුනාට .
” අහ් , ඕක මොකක්ද  . එවන්න එයාව. අපේ දුවලා දෙන්නත් ඉන්නවනේ  “
අනේ ඉතින් මොකට කියනවද , අක්කයි නංගි මල්ලි බබාව හොදට බලාගනී , අපරාදේ කියන්න බෑ  .
” හරි අක්කේ . ගොඩක් ස්තූති . කෙල්ලෝ දෙන්නව මතක් කරා කියන්නකෝ “
” හරි නංගි ” අම්මා 4n එක තියලා හැරෙනකොටම මෙන්න මුන් දෙන්නා ඔක්කොම අහගෙන ඉදලා  . ඔව් ඔව් වෙන කවුද ඉතින් නෙහාරායි ශෙහාරායි තමා  .
” අයියෝ අම්මා , අර පොඩි එකා ගිය පාරත් ඇවිත් වද දීලා ගියා මතක නැද්ද  . අපිට නම් බෑ එයාව බලාගන්න  ” නෙහාරා යුද්ධය ප්රකාශ කරා.
” එහෙනම් උබලා දෙන්නා පලයල්ලා එලියට  . දෙන්නෙක් එක්ක දවසම ඔට්ටු අල්ලන මට , ඒ පොඩි එකා ආවා කියලා වෙනසක් නෑ ඉතින්  ” එහෙම කියලා අන්න අම්මා ගස්සගෙන ගියා .
” පව් නංගි , මොනා වුනත් එයා හරි හුරතල්  ” ශෙහාරාට ඒ පාර දුක හිතිලා  . දරු සුරතල්  .
” හොද හුරතල් , බටු ඇටේ වගේ හිටියට රබර් කණ දාගෙන ඉන්නේ හැම එකටම  . අපේ plans ඔක්කොම ඉවරයි . ටින් ගානකොට අපේ අම්මගේ කණේ තියයි ඔක්කොම  ” නෙහාරා නම් කැමතිම නෑ වගේ  .
” ඒයි අක්කී , මෙහේ එනවකෝ ඉක්මන්ට ” ටික වෙලාවකින් නෙහාරා කාමරේ ඉදන් කෑගහන්න ගත්තා  .
” sure එකටම බිත්තියේ ඉන්න මකුළුවෙක් දැකලා තමා කෑගහනවා ඇත්තේ  , හොද වැඩේ ඇගට පැන්නොත් තියන විසේට  ” ශෙහාරා හිනා වෙවී ගියා මොකද වෙලා තියන්නේ බලන්න  .
මේන් මේකි ඇඳ උඩ නැගලා නට නටා ඉන්නවා 4n එකත් අතේ තියාගෙන  .
” මේහ් මේ බලනවකෝ මේ fb පොස්ට් එක . අර පොඩි එකාගෙන් ගැලවෙන්න පුලුවන් මේ පාර නම්  ” නෙහාරා ඒ පාර මොකක්ද කරන්න යන මගෝඩි වැඩේ  ???

මතු සම්බන්ධයි .